Doretta's profileDoretta82PhotosBlogListsMore  |  Tools Help |
|
January 03 Vota Antonio, vota Antonio!O vi logh 'o vi? O vi logh, cca ncopp a sinistr putit vutà 'o speis! Jamm bbell, nun durmite c'a pizza 'n mocca! Tra 'nu panettone e n'abbuffata, miezz 'na festa e n'ata, vutateme e arrevutateme 'o speis! Ma ncopp a tutt, cosa ca cchiù v' nteress, putit mettere 'o gaggèt pe
v' fa vutà 'o speis vuost... 'N ce vo nient, o no? (e nun facite 'mbruoglie!)
December 22 Buon Natale e Buon annTanti auguroni a tuttu quant!!! A chi va a scià, a chi va 'o mare, a chi s' sta 'a casa, a
chi arape tanti surpres e a chi ne fa assaje, a chi legg semp 'o blog mije e pur a chi ce stong ncopp o sasicc, a chi se magn tutt 'o pandoro e a chi le piace 'o panettone, a chi passa 'o Natale ch'e parient e a chi cu l'amich, a chi è 'nnamurato e a chi
sta buon pe cacchje suoje, a chi ha passat chist ann in grazie 'e dì e a chi spera 'e
passà nu 2008 chiù meglio.
December 18 L'auguri personalizzat so semp cchiù appezzuttatVabbuò, vabbuò, ogge stong cchiù quieta. Me fa piacere ca molte perzone m'hann stat a sèntere aropp ca ieri magg fatt venì 'e cinch minuti... Mo comm v'avevo prumis teng na cos 'a ve dicere pe fa' l'auguri MASSICC 'ovèr! 'A tenite 'na fotografia vost, seh? Allò jiate ca ncopp www.augurimessenger.it pigliate 'nu sfonno e 'o personaggio ca ve piace 'e chiù (ije me sento assaje na BEFANA Mo m'aggia mettere a faticà, pecché Dorina m'ha ritt se ce faccio 'e bigliett c'o muss suoje... l'adda mannà a l'amici suoje e ncopp a tutto a Gomy! December 15 O lamiento r'o cummentoE mo bast mo!
Ma ve rennite cunto d'e cose ca scrivite ncopp 'o speis ne? Me sta buon ca vulit canoscere ati perzone, me sta buon ca vulite fa pubblicità p'o blogghe, ma ce sta na vranc 'e fetient 'o vero! A me nun me ne fotte se sit femmeniell, masculone, rattusiell, muccusiell, chiattill, tarzaniell o musciariell. Chell ca sit sit, ca sit 'e benvenute, ma 'o blogghe mije nun è n'agenzia matrimoniale, o nu posto pe fa l'autìng! Picciò avita f'rnì 'e scrivere annunci quequeri! Pe nun parlà 'e chill ca scrivono 'e cos malament... Ma vulit abbuscà? E che pesiell! Nun facit e muccus!
E po pe mezza vost agg sbattere 'o maus accà e llà pe scancellà 'e cummenti de' vuostre!
Però me fa piacere assaje se venite spiss ncopp 'a stu blogghe eh, ma nun facit 10000 fotocopie d'e cumment vuostre! All'anema e... Assafà, e mo teng na cos a dicere pe l'augurio 'e Natale... Ma se ne parl rimane, sta jurnata me l'avita 'ntussecata, SGRUNZ! December 14 Ricerca e arte: agg truat' a mi parte!O vi logh o vi, stong facen pass annanz p'a ricerca. Agg capit ca ce stann duje mestier ca me piacess fa, e me stong muvenn in queste direzioni.
1) Me piacess collabborà 'a produzione 'e nu film comm assistente,
e cercà 'e cose ca servono: per esempio 100 elefanti pe nu film 'e
Annibbale, 'na lampada maggica pe nu film 'e Aladino, nu mostro pauruso pe nu film 'e Merilin Menson. Sto pazziann
 2) Putess fa a cul anter, ca foss 'a ricercatrice d'e giovene talenti comm pittore, musicante, desaigner, fotografi, ballerini... 'Nzomma me piacess sfruttà e qualità ca teng pe fa ricerche ca s'nteressano d'arte. Ca ve pass pa cap? Tenit cunsiglie a ra? Ije cuntinuo 'a ricerca!!!  December 06 L'offerte songh aperteAgg' accumminciat a ffa colloquije ma p'o mument nun m' nteress nient… Uno me vuleva fa partì p'o sud america pe cercà na specie e vermezzulle pe dimostrà ch'e cambiamenti climatici c'accirin a salute… ma nun è cos proprt, so allergica 'e manguste! N'at mmece jev cercann nu ratt da biblioteca ca s'nfizz int' a polvere, pe truà edizioni rare e autentiche… nun me piace manch chest, e po Dorina a polvere ce rimane 'ncann... forse 'o cchiù nteressante è l’urdemo ch' m'ha chiest 'e truà 'a soluzione p'o sbadiglio cuntagiuso… UAAAAAAA 'o probblema è ca solo a parlà me vene 'o suonno! Nunn è cos, agg aspettà l'at offerte, continuerò a spantecà, tenite coccos a ricere wajù?
November 12 Acalàt 'a stufa fess, accussì sparagnamm ampress ampress!Mentre me mett 'a cercà 'na fatica aggia fa quaccosa d'utele! Pe chest me so decisa a ghì 'o 10 e 11 'e nuvembre (sabbato e dummeneca) int' a una de' 200 piazze d'o stivale pe partecipà a n’iniziativa d'o wwf. Indovina int a quale piazza stev?
O scopo è
stat chell 'e truvà nu milione... all'anema d'o priatorio... nu milione e condomini serje in Italia pe acchiappà 'o 40 pe ciente ell’obbiettivo p'a riduzione d'o
Protocollo e Kyoto. Nne capit nient? Guard cca mmo mmo! http://generazioneclima.wwf.it/dove.htm
E mmo ve mett pure 'nu link c'a sorpresa…
ce sta n'animoticòn!!! Che stai aspettann 'o tramm? Scaricatell!October 26 Pop pecché si ttu, te dic 'e cchiùWajù, grazie anche 'e vuost suggerimient m'agg appriparat 'o Curriculùm mije. Ve facc veré 'na parte, ma sol 'na parte pecché ce sta 'a legg ncopp... aeh comm se scriv... 'a praivasi :-)
October 17 C.V. = Cagn Vita!Tra mill ricerche e mill studi c'agg fatt chist'ann, accummenc' a desiderà na FATICA nu poc cchiù concreta. Pare niente! Dice Dorina. Ma si nun accummenc, a voglia 'e fa. Allora pensavo, wajù: pe primma cosa m'aggia fa 'o Curriculùm Vitae. Nomm, cugnomm, città, vije, cellulare, esperienz, hobby etiriti-tti-ttì... mill cose 'a ricere. A ro' accummenc? Aumm aumm... m'aggia mettere c'a cap e c'o pensiero! Vuje o tenite o C.V.? Cocch cunsiglio a me ra'? Mo nun sto pazziann!!! October 04 Emoticòn antiche, ce crir a chell che te diche?Quann accummenciain 'e cciviltà, l'uommene cchiù antichi pittavan' dint e ccaverne ll'antenat 'ell'emoticon. Agg'truat Agg'truat!!! Assafà c'agg riuscita a scoprì l'origgin ell'antich emoticòn! Teng 'e pprov ch'esisteven' a via 'e mill'ann fa, dint e grotte ch'e ppitture rupestr! Vicin e bbestie e vvicino 'e scen 'e caccia s'appresentavan 'sti nguacchje ca nisciuno capev mai 'e che se trattava... Si nunn er' pe mme! Accussì agg' fernut' nata tesina e agg' avuto 'o tiempo 'e m fa at emoticòn! Chell ca se portan' mo, eh! Chieritammel dint a chat! Ve mann 'e link arò ce ne stann assaje... Ma a parola emoticòn è maschio o femmen? Vabbuò e sti tiemp fa 'o stess ;)
September 22 L'estate sta fernenn...Aumm Aumm... Wajù accummenciamm a ffaticà! Ma pecché ll'estate adda fernì? Wa me sent e ccervell azzeccat... E vabbuò int'a sti juorne accummenc n'ata ricerca ncopp' all'emoticòn
 e comme me piace! Pare c'a ll'origine è cchiù antica 'e chell ca se sapev. E no mo l'aggia sapè pefforza chi l'ha criàt! Embè 'ncopp 'o bbene e sorema Viol' aggia resorvere stu cas' a vvol a vvol...M'arraccumann facite nu buon wikkend e nu scrivite cos strevez cca ncopp! Nun pozz perder 'o tiemp appress 'e nacchenell a scancellà 'e ccos "poco carine".
Venit'm a ttruvà ca me fa piacere, m'arracumann facit 'e fareniell, vabbuò?!! ;)
September 11 Si m'avvert mica rormo allert!Wajù 'e sti tiemp teng genje 'e fa 'e cclassifiche :-)
ohì llogh ohì, 'e dummanne ca me fate quann state dint 'a chatt:
Pe primma cosa c’ sta “o classico”:
Dorì me può ffa 'na ricerca a vvolo a vvolo?
Pe ssiconna c’ sta 'na nuvità pe cchi vo' canoscere 'o ffuturo suoje:
Me vuò fa l’oroscopo?
Pe tterz 'a dumanna r'e cciucciuettole:
M'uo ricere 'e 'nciuci?
Pe qquarto 'a dumanna “culturale” (se fa pe ddicere):
Me rai 'e nutizie 'e cinema?
Pe qquinto 'na richiesta a scarpar:
Me rai 'e nutizie ncopp 'a Tivvù?
Pe ssesto 'e cchiù strevez me dumannan:
M'arap Messengér tivvì?
Pe ffernì, 'a settima cosa…
Me scrivit cose ca nun pozz dicere, scurnacchiat! :O
September 03 Emoticòn in lovv'O mare Dorina ha pariat comma cche' a ffa mettere appaura tutt 'e pisci ca truava... Aumm Aumm... ije 'mmece me song arrepusata c'a pala, m'aggia abbrunzata nu poco e ISS
 m'ha abbuffat r'essemmesse  Mo è settembre e accummencia tuttecose d'o capo: studio, fatica, nuove proggetti, nuove emoticòn... Eh! E capit bbuon, agg' itt nuove emoticòn!!! Nun ce crire? Guard cca http://www.emoticons-livemessenger.com/pages/msnit/index.htm Song a fine r'o munn e song pe ssenza nient!  E vvist c'o campionato 'e  (capisc' a mme) è accumminciat, ce sta 'na suppresa pe tutt 'e tifus: l'emoticòn ncopp 'e shquadre 'e pallone e 'o calennario san san (e personalizzato) d'a serie A http://www.emoticons-livemessenger.com/pages/msnitcalcio/index.htm  E vabbuò, mo me sto facenn 'nu poch'e dumann pe cchell c'aggia fa, cos vuless r'a vita... pecché orip orap... Ne, pur' a vvuje succere ca stu periodo e ll'ann v'abbrucian 'e ccervell?
August 26 Tutti pazz p'e sci d'a jatt!Agg fernut 'a tesina!!! Assafà me l'agg luvat' ananz!!! Mo aggia ji 'nu poco 'o mare. Se se, e mmo a voglio pur ije 'nu poco r'acqua salata, 'e sabbia, 'e custum a ccolori, 'e cremme p'o sole c'addoran 'e cocco e ppapaya! Ji teng 'a pella caggiunevole, picciò teng semp a cremm a purtat e man... Dorina 'mmece, guaje 'e ccremm, se tene semp annascos all'ombra. Mo però primm 'e ji 'a spiagg song affaccennat pe n'ata ricerca: nu ttrovo cchiù 'e sci d'acqua 'e Dorina. M'a ritt ca si nunn 'e ttene nun se move, chitabbiv! A stong trattann ch'e mullechelle nu poc tropp assaje eh? E vuje che facite 'ncopp 'a spiaggia? Jiucate a pallavvolo, natate, oppure fat'e sfasulat e ve sguallariat 'o sole?
August 20 Mo Dorina vo' essere chiammata "Divina"So gghiut in Eggitto! Mmiezz 'e mmummie, 'e sfing, 'e faraoni, 'e ppiramidi... esaggerat! Dorina nun vò turnà cchiù pecché ha vist ca ll'antichi eggizi s'eran fissat che n'antenato do suje era 'na divinità. Mo s'è mis 'n capa ch'è pparente 'e 'nu ddije e m tratta comme 'na pezza... ma vire tu si è ccos! Comunque, fessari' a pparte... Dint' a 'na piramide agg' vist cierti ppergamene che ce stevano gli oroscopi eggiziani viecchije e 6000 anni fa! Wa nientemeno già d'e tiemp d'o cipp se sturiavano e stell e sapevan quacche segn comm ll'Ariete, o' Lion e' Ggemell. Mo sì ca tengo robba bbona pa' tesina!!! We, ma vuje avit mai vist 'na mummia?
August 16 Eh m pias: ma quann m vas?O' ssapev O' ssapev O' ssapev! Nunn aggia ascì cu ISS! Teng a panz che ffa funiculì funiculà... marò e quant è frisk! C simm vist inta nu bar piccerill, c simm assettat o tavol for a chiazza e c simm parlat 'n facc. ISS m'ha rat nu consiglj esaggerat! M'ha ritt c'aggià truvà l'antichi oroscopi pop in Eggitto. Eh, pecché l'oroscop cchiù antic stann là, arò hann mis e Piramidi. U A A !!! Me n'aggia ii! Wajù dicit coccos! M ne vag 'ncopp e Piramidi? Me ne fuje? A iatt già s'a fatt e balicie!
August 15 Si t 'nteress sientm fessAumm Aumm... wajù agg vist e vuost consiglj... Vuje dicit (quas tuttu quant, tutta a combriccola) che avessa pensà all'ammore
Dorina mmece m vuard in cagnesco (pur si è na iatta, eh) s pens che ije aggia studià-studià-studià. E c'aggia fà? Mic so fess! O facc venì ccà, ce vevimm n'aperitivo e c parlamm nfacc... c facc verè e rricerc ncopp agli antichi oroscopi, capisc a mme... accussì ce damm a fa c'a jurnat è nu muorz E ppo si iss verament ce ten m'adda sciruppà, adda avè cocc interesse, o no? Mica pozz sta cu na perzona ca non se fida e m sentere?August 14 E si me guasta a tesina?Marò è turnat!!! Sisi, è pop ISS, o wajone frisc ca giaccttella rossa... è turnat do Canadà!!! A ritt ca me vo verè inta semmana, ma ije stong chin e probblem pecché sto facenn na capata incopp agli oroscopi antic... Risgraziatamente aggia cunzignà na tesin c'o resoconto re studje c'aggia fatt, m sent nu ciucc ca vasta ncuoll... Wa er meglje ca ISS
se ne stev natu ppoc in Canadà: mo stong semp ca cap dint'e nuvol (cchiù do ssolit!!!). O probblema sa qual è: o m n'esc cu iss mmo mmo o aggia aspettà ca fernesco a tesina. Primm a fatica o primm l'ammor? Dicitm coccos!!!
August 13 Comm è tomm quann se sconcecaWajù m sto squagliann cu stu cavr... M sent stupdiat, vuless sta dint 'o congelatore... aumm aumm... se ver ca m sta saglienn o sang 'n cap ;)
Dorina (a iatt) pe s'accalummà s'è mis annanz 'o ventilatore, s'è fatt e pile tutt a nu lato comm è tomm! Te tè, agg fatt o ritratt... August 12 Si a vacanza nunn è ancora nu suonnoWajù comm vuless a vacanz! Sgualleramient, sole, a crema p'o sole, gruosso!
Pe mmo aggià studià... però pozz sunnà/guardà/scegliere a vacanza ncoppa http://diaridiviaggio.it.msn.com cu tutte e storie, e foto de viaggi vuost. M'è piaciuto assaje assaje a storia do viagg e Susù in Messico! E vuje arò iate? Coccrun sarà pure turnat… ja ricittammell a vacanza vost! Ije p'o mument facc 'o quadro ra situazione e piglie e vurzetelle pa vacanz, po resorv si aggià partì e do me ne aggia ii ;)
|
) e stupdiate a tuttu quant!
|
|
