Doretta's profileDoretta82PhotosBlogListsMore  |  Tools Help |
|
May 31 Chest o chell'ata là?Ma comm s'adda fa a scegliere, so tutt e doje bellell… nunn è ggiust, eh? :-) A Trigger fuje comm a cché, tene e sport strips janch, e farett cromat e 'e chirchje a 17'' (checazz? :-).
Già m' vegh, c'o per' afor 'o fenestiell ncopp Pusill'c, o stereo cu l'MP3 pezzott e Tony Tammaro, o viento che me sconceca o capill, l’addore e mare... ua, e che frischezz!
 E po ce sta l’Abbei Rod, che ttene e seggiulill e pell e stoff Crim Uait (ca sol' o nomm m'é magnàss san' san'!), accussì frisch ca se m'aggir'n e ccervella m'e mmett pur' dint 'o salotto. Facess venì l'amiche re mi a fa burdell tuttu quant cu na tazzulella e café, e ppast e tanti schiattate e ris!  Aggia veré p'o culore. Blu, Ross e Nir p'a Trigger; Janco, Argent e Verd p'a Abbei Rod…
Se se, tengh e rendite spas 'o sole!  May 27 Na nuvità m'ha fatt stupetià!Wagliù, nientmen m'agg pigliat doi colp e fulmene! Tant'è c'a jatta me s'è strusciata ncuollo (pecché è gelosa) :-). Ha capit ca stev guardann coccos interessante assaje… dui mudell bell bell! Me s'è squagliat o sang dint e vene:
une vestut e janco, une blu, une frisc e l’at spurtiv. Là steven, abbasc' a fenesta, tenevo l'uocchie chine e mane vagante. E capì? Guard ca Abbey Road e Trigger, e modell Mini!
May 23 Te sì piazzato casa e puteca.Wagliù, m'avit sfast'riat.
Mo chiur e comment pecché ve state arapenn nu poc tropp assaje.
Se me vulit ricere coccos ricitammell nfaccia, mannateme l'imeil a dilloadoretta@live.it
agg cagnat, vabbuò?
 May 16 LicolaLicolaWagliù oggi è o cumpleanno e Dorina!
Stammatina me so pop scurdata e a jatta stev tutta 'ntufata. Agg penzat ra purtà a fa o bagno a Licola ma po stev sorema cugina al RiminiWellness accussì levamme 'a frasca (e po sadda movere pecché tene a mangiatora vascia). Partimm mo mo accussì ce verimm o cuncerto a piazza Cavùr.. jamm bell! Guarda cca, http://www.riminiwellness.com/wellness_music_show-2003-44.htm wa ce stann nu sacc e cantant famos assaje! We allora, venite pure vuje? May 08 Stev moscia moscia, ma mo m'è passata l'angoscia!A nu certu punto na seggia ha fatt «tac» e tuttu quant hann aizat e pac... era a seggia mi.
So
stata all'erta, tiseca tiseca, agg fatt abberè che o fatt nun er' o
mi. E scarpetelle fuxia s'erano appizzate mmiez e fili. Agg pruat a me
libberà senza fa guaje, ma o fil ruoss ha preso l'iniziativa e s'è staccato, simm rimast o scuro io e tutto o set… stev murenn! A finale o reggista mn'ha mannat.
A verità, stev nu poc nzallanuta quann giravano a scena finale ro film, ma è stata na disgrazia, m'e crerere!
Addò vaje truove guaje. M'è benuto a mmente o dinosauro piccerill e cioccolata dint a borza, pop mentre o reggista faceva ciak m' song aizata po' piglià. O riest o ssapite aumm aumm.
Fermate o munno voglio scennereee!
Ma mo cagna TUTTCOS... promesso! :-)
April 01 Chi tene a cas 'o mare...E sciuri sciuriscono, e a palummella zompa e vola: è primmavera!
Chi è allergico a passat 'o guaio, chi va ncopp a bicicletta pedala e cchiù, chi se magna 'o gelat fa a fila, chi studia 'o parco se stenne ncopp all'evera, chi tene 'o ciardino acconc e frasche, chi tene 'o can o fa fuì, chi esce a sera se sta for n'atu ppoco, chi tene a cas 'o mar se po già abbambecà.
Sto streveza, po' essere a primmavera ch' abbìa a venì. No sto bon, e 'o sol ncap!
Ma vuje a primmavera pigliate a scùffia, 'o suonno, o penzat 'a staggione?
March 13 Sceneggiata o scemarìaWajù, o rvuot. So ghiut vicino 'o reggist e c'agg ritt 'n facc tutt cos.
1) L'adda f'rnì e me ra l'ordini e me trattà comme na serva. E uno, e doje, e i fatic pe iss, e mmo bbast adda calà e scell, sta semp nquartato!
2) M'adda ra o tiemp e truà e ccos: i song na perzona precis, 'a jatta pe ghi e press facette 'e figli cecat. E ccos ro juorn aropp e bo o juorn primm?!
3) O fatt re pinguini, ce l'agg ritt ch' a mme me pare na strunzat! Che c'azzeccan c'o film, ma làsse campà 'n grazi' e di!
Aumm aumm... c'aeva fa?
March 04 A primmavera ce stann e pinguin?Wajù ajer se schiattava e cav'r, troppbell! So
stat tutt a jurnat ncopp o mezz, m'agg fatt nu panin cu sasicc e
friariell o Parco da Rimembranz e me song abbrustuliat sott o sole. Tutt calcolat a perfezione, fin e l'unnic a sera quann m'è arrivata a chiammata d'o reggista. Vò 10 pinguin pe miercurì. 10 pinguin! Ovèr! Ajùto!!! Arò e ppigl? Come facc? Comm e pport a na part a nat? Tenite quacche consiglio a me ra? Ajutat'm!!!
February 22 E ch' ffatic 'a partit!Assafà è viernarì! Stong piezz piezz e teng pur 'o mal 'e schiena  Sta semmana cca avevama girà na scena 'e na partita 'e pallone 'ncopp 'a spiagg, e allora agg pigliat 10 scunnizz miez a vija, nu supersantos a volo a volo («e che ce vo?!» dicite vuje...) e pure e pport che pal e a rezz! Menumale che stev'n dint 'o Stadio Collana... 'o problem è stato 'a lle ppurtà ncopp 'o set! L'agg pigliat a una a vota 'ncopp 'e spall. Po' so sagliut dint 'o trerrote... quann vutav a destr o a sinistr pe ppoco nun m'accapputav ije, a porta e 'o trerrote. E maghine aret bussav'n pecché a strad è piccerell po stev pur o pulmàn 'e facc e pe niente 'e perzone rerevano a me uardà. UffàUffà!
February 08 Pigliat na Doretta ncopp 'o blog!Assafà se so sgunfiat e boll nfacc all'attore protagonista accussì amm accummenciat a ffaticà. February 01 Amici - chi t'è bbiv - dint'e post vuostSta
semmana ccà nunn agg fatt manc 'o sacicc. Pe nient l'attore protagonist d'o film
s'è fatt na cos cu l'ev'r pe s'alliscià 'a pell... A ffinal è cchin 'e bolle nfacc e mo è proprio o... sta nguaiat! Accussì stamm tuttu quant a ce uardà nfacc e bonanotte, uffa! January 26 A vest ra sposa avessa essere ROSA!Ma 'a primma semmana 'e fatica è pure 'a cchiù longh e cchiù tost? Wa, diciteme 'e sì! Pecché sta semmana aggia avuta correre e correre ncoppa 'a bicicletta comm e can! A cosa cchiù strevz ch m'hanno fatt fa è chest: m'hanno mis a cercà 10 e sto dicenn DIECI vest a sposa, tutte janche ma janche tutte quante e n'ata manera. Une c'o velo, une c'a cora, une c'o pizz, n'at ch'e ricami e n'at ancora ch' arricciature... Mammamiii! Agg girat tutt 'e negozje c'affittano veste p'e cerimonie, uffà! Pecché int'a stu film c'hanna sta 10 spose... AummAumm... Ma chist vann truvanno Crist int'e lupin?
Comunque 'o reggista è n'omm frisch ;)
January 16 Rimane accummenc: e ke sfizje!Assafaaaa!!!
Aropp c'agg mannat curriculùm c'a pala, aropp c'agg fatt telefonate e telefonate, colloqui e colloqui, agg truat 'a fatic ch' ffa pe mme!!! M'hann pigliat pe ffa l'assistente d'a produzione 'e nu film che mo nunvepozzdicere. Aumm Aumm, vabbuò mo pare ch' facc chisà checcos... veramente aggia cercà 'e ccose ch' serv'n p'e rriprese d'o film. Rimane s'accumenc'!!! Mammamì e ch' cosa m' metterrann 'a cerca? January 03 Vota Antonio, vota Antonio!O vi logh 'o vi? O vi logh, cca ncopp a sinistr putit vutà 'o speis! Jamm bbell, nun durmite c'a pizza 'n mocca! Tra 'nu panettone e n'abbuffata, miezz 'na festa e n'ata, vutateme e arrevutateme 'o speis! Ma ncopp a tutt, cosa ca cchiù v' nteress, putit mettere 'o gaggèt pe
v' fa vutà 'o speis vuost... 'N ce vo nient, o no? (e nun facite 'mbruoglie!)
December 22 Buon Natale e Buon annTanti auguroni a tuttu quant!!! A chi va a scià, a chi va 'o mare, a chi s' sta 'a casa, a
chi arape tanti surpres e a chi ne fa assaje, a chi legg semp 'o blog mije e pur a chi ce stong ncopp o sasicc, a chi se magn tutt 'o pandoro e a chi le piace 'o panettone, a chi passa 'o Natale ch'e parient e a chi cu l'amich, a chi è 'nnamurato e a chi
sta buon pe cacchje suoje, a chi ha passat chist ann in grazie 'e dì e a chi spera 'e
passà nu 2008 chiù meglio.
December 18 L'auguri personalizzat so semp cchiù appezzuttatVabbuò, vabbuò, ogge stong cchiù quieta. Me fa piacere ca molte perzone m'hann stat a sèntere aropp ca ieri magg fatt venì 'e cinch minuti... Mo comm v'avevo prumis teng na cos 'a ve dicere pe fa' l'auguri MASSICC 'ovèr! 'A tenite 'na fotografia vost, seh? Allò jiate ca ncopp www.augurimessenger.it pigliate 'nu sfonno e 'o personaggio ca ve piace 'e chiù (ije me sento assaje na BEFANA Mo m'aggia mettere a faticà, pecché Dorina m'ha ritt se ce faccio 'e bigliett c'o muss suoje... l'adda mannà a l'amici suoje e ncopp a tutto a Gomy! December 15 O lamiento r'o cummentoE mo bast mo!
Ma ve rennite cunto d'e cose ca scrivite ncopp 'o speis ne? Me sta buon ca vulit canoscere ati perzone, me sta buon ca vulite fa pubblicità p'o blogghe, ma ce sta na vranc 'e fetient 'o vero! A me nun me ne fotte se sit femmeniell, masculone, rattusiell, muccusiell, chiattill, tarzaniell o musciariell. Chell ca sit sit, ca sit 'e benvenute, ma 'o blogghe mije nun è n'agenzia matrimoniale, o nu posto pe fa l'autìng! Picciò avita f'rnì 'e scrivere annunci quequeri! Pe nun parlà 'e chill ca scrivono 'e cos malament... Ma vulit abbuscà? E che pesiell! Nun facit e muccus!
E po pe mezza vost agg sbattere 'o maus accà e llà pe scancellà 'e cummenti de' vuostre!
Però me fa piacere assaje se venite spiss ncopp 'a stu blogghe eh, ma nun facit 10000 fotocopie d'e cumment vuostre! All'anema e... Assafà, e mo teng na cos a dicere pe l'augurio 'e Natale... Ma se ne parl rimane, sta jurnata me l'avita 'ntussecata, SGRUNZ! December 14 Ricerca e arte: agg truat' a mi parte!O vi logh o vi, stong facen pass annanz p'a ricerca. Agg capit ca ce stann duje mestier ca me piacess fa, e me stong muvenn in queste direzioni.
1) Me piacess collabborà 'a produzione 'e nu film comm assistente,
e cercà 'e cose ca servono: per esempio 100 elefanti pe nu film 'e
Annibbale, 'na lampada maggica pe nu film 'e Aladino, nu mostro pauruso pe nu film 'e Merilin Menson. Sto pazziann
 2) Putess fa a cul anter, ca foss 'a ricercatrice d'e giovene talenti comm pittore, musicante, desaigner, fotografi, ballerini... 'Nzomma me piacess sfruttà e qualità ca teng pe fa ricerche ca s'nteressano d'arte. Ca ve pass pa cap? Tenit cunsiglie a ra? Ije cuntinuo 'a ricerca!!!  December 06 L'offerte songh aperteAgg' accumminciat a ffa colloquije ma p'o mument nun m' nteress nient… Uno me vuleva fa partì p'o sud america pe cercà na specie e vermezzulle pe dimostrà ch'e cambiamenti climatici c'accirin a salute… ma nun è cos proprt, so allergica 'e manguste! N'at mmece jev cercann nu ratt da biblioteca ca s'nfizz int' a polvere, pe truà edizioni rare e autentiche… nun me piace manch chest, e po Dorina a polvere ce rimane 'ncann... forse 'o cchiù nteressante è l’urdemo ch' m'ha chiest 'e truà 'a soluzione p'o sbadiglio cuntagiuso… UAAAAAAA 'o probblema è ca solo a parlà me vene 'o suonno! Nunn è cos, agg aspettà l'at offerte, continuerò a spantecà, tenite coccos a ricere wajù?
|
|
|
