Doretta82

Fa 'a ricotta pecché ndringhetendrà

Sat, 09 Aug 2008 14:10:53 GMT

Ah, all'anema bell! Chesti jurnate estive me metteno l'allerìa. Pecché vuj nu state allèr e spenzierat o state semp 'ntridici?

Mo me piace a ghi ncoppa 'a bicicletta rosa e piglià 'nu poco d'aria fresc! Però, aggia dicere 'a verità, 'o sport mi preferito è scassà 'o cacchio a Dorina 'a jatta mi! Eh, 'o ssacc… nun so 'sta granda sportiva, wa… s'è ppe cchest nu tteng genj e fa niente! Se vere ch'o sport nn'è cos pe mme ;) e picciò m'agg truàt n'ata cosa! Aumm aumm…

Stong semp ncoppa a Messengér! Eh sì! Agg truàt 'na pazzièlla pe ffa ginnastica ca nisciuno 'o crerréva (se… vabbuò… sulo ch'e ddeta, ma semp meglj 'e ce guardà 'nfacc, no?).

Ajère agg pazziato cu l'amiche mi a 'stu juòco e abbuscav semp, er pop 'na lota

Facitavell pure vuj 'na capata... une, doi e... PRIEMM CCA!!!

Balubba Party

Mon, 04 Aug 2008 15:34:35 GMT

Quann vene 'a staggione è 'o mument e scegliere. Vir 'a biancarì: m'aggia piglià minimo vintuordece bikini accussì stong buon fine all'ann che bbene. Ma nunn è solo p'e bikini pecché aggia penzà pure all'ati ccose, per esempio 'o trucc. Tutte sti ccose anna trasì dint 'a balicia pecché si 'e 'ccatt a parte e llà me spell'n sana sana. Sti raggiunament nn'e facc solo ij, pure l'amiche mi.

E allora niente mo ce manc poc pe' partì in vacanza, chella ca nun verev ll'ora; on the road, mmiezz a vija (no a pper, c'a maghina). Mo stamm a sèntere: tien present Thelma e Louise? Er'n dduie e lloro, (e che ce ne fott), però stev'n dint a 'na maghina sola (chest è 'mportante).

Embè è asciuta Valeria che s'è accattata pur ess 'a MINI, 'a Trigger ross, e mo vò purtà pur a maghina soia in vacanza. Scus eh, no pe' ccoccos ma che facimm quatt 'e nuie dint a ddoi maghine. Valé, agg fatt tant pe m'accattà 'a maghina e t'a si accattat tale e quale a mme?! Ma si 'na provola affumicata!

Mo voglj proprj abberè comm 'a mett a nomm…vabbuò, pe nun ce pensà m'agg mis a sbarià cu ati accessori USB pe dint a MINI. M'agg pigliat 'nu frullatore, l'agg pruat viennarì 'o Balubba Party, nu raduno ca ce stev'n tutt MINI strevz cu 'na maniàta e ggente cchiù strevz ancora.
Si m'aggira 'a prossima vota facc ll'evento 'ncopp 'o bblog…

Piccerill è bellill

Tue, 15 Jul 2008 19:32:18 GMT

A 'nu poco a chesta parte me so fissata p'e ccose piccerelle, sarà che so cchiù commode e semprece. Te facc n'esempio: 'e piatt. Se so' piccerill a voglia e sazià chi tene 'o sfunn oppure se ce le ittà 'ncuoll 'a muglièreta sta sicuro c'a ciacc.

E po ce sta a Mini che m'agg accattat! A quann a teng nun agg fatt manco 'na tuzzata. Ae, na vota po' parchegg e quanta punt me luvaj 'o guardio.

Wa quann facett l'esame p'a patente, 'ngarrai tuttu cos: me fermaj 'o vverde, guardaj a sinistra, po' a destra, me stett accort o rruss pe sunà. Cette o 'ngegnere, er nu viecchj: “Signurì appustàte lloco bbascio, mmiez all'arbere”. Tranquill oh no', stong int 'o mij. Vag 'a marcia aret: «ppo!». Cette oh no' “Signurì, agg ritt mmiezz all'arbere no rint 'e frasche!!!”. Ma chell 'a maghina è long oh no'! Tienatell 'stu carr de' muort che stai cchiù allà che accà.

O mmeglj de fessarì!

Fri, 11 Jul 2008 22:42:37 GMT

We uagliù, m'a fatt assaj piacere perdere o tiemp cu vuj 'o juorn ro Donsaciccio-Day!

È stat comm si avess fatt o cumpleanno mi doi vote, m'agg ngrippat tropp assaj a sentì e fessarìe vost!

Ah po', v'agg prumis ca mettev 10 fessarì ncopp o blog, chell ca chiù fess nun ce stann...

Vabbuò, o ver so 11, ma m'er tammente ngrippat ncopp a chesti ccà c'agg ritt: wa e qual è 'o probblem? L'amma parià ncuoll c'a pala!

Simone

04 luglio 16.17

http://elsimod.spaces.live.com/

una volta stavo portando dei bicchieri con del caffè e a un certo punto vedo dell'acqua a terra, cerco di fare piano, ma cado io e tutti i bicchieri e ho fatto la scena dell'idiota

Federica

04 luglio 16.18

http://fedeprincyewitaly.spaces.live.com/

La mia dorettata + grande è umiliante è stata senza ombra di dubbio la + banale ke succede un po' a tutti, ma rimmarrà neji annali della mia vita: a gennaio mio padre è antrato in camera mia e mi ha scoperto ... cm mai mi avrebbe dovuta scoprire :P:P:P. i 30 sec + imbarazzanti della mia vita...nn ci vojio ripensare ne al momento ne alle conseguenze

Giorgio

04 luglio 16.23

http://cid-6650effccc238a2c.spaces.live.com/

Invece la mia dorettata massima è stata in ospedale. non so se vi è mai capitato, ma una volta sono andato a trovare un amico e mi sono seduto sul piede fratturato del suo vicino di letto...

Mafalda

04 luglio 16.29

http://pink-mafy95.spaces.live.com/

la mia dorettata, nn proprio umiliante.. e' stata a natale, a casa della mia amika! stavamo giocando a tombola... eravamo tanti! cmq io mi ero alzata per scegliere la cartella, e scasualmente spostai la sedia piu' in dietro cn il piede... pero' non me ne accorsi... comunque andai a sedermi e caddi!!! ke vergogna tutti ridevano... e io rossa rossa...

яσвєятα

04 luglio 16.35

http://robertadance92.spaces.live.com/

Ero in palestra con una mia amica dopo danza. Arriva una ragazza, amica della mia amica, e io dico alla mia amica: " Odio quell'Alessia" e altre parolaccie. L'amica della mia amica era la sorella di questa Alessia... Che figura di ..!!

Un bacio!

ImP3Rf3tTa Ma Cn sTiL3

04 luglio 16.40

http://cid-522da4995c1f605e.spaces.live.com/

la dorettata piu strana ke ho fatto è stata 2 giorni fa..ora alla villa e salgo sull'altalena x skerzare un po e a un certo punto mi passa il raga ke mi piace e gli do un calcio e lo faccio volare..mmm me ne scappo subito ke imbarazzo =(

barbara

04 luglio 16.40

http://stra-bello.spaces.live.com/

la dorettata + grande k ho ftt è exermi addormentata in classe!! il bll è k mi sn svegliata dll risate dei miei amici xk stavo sbavando!, forse x il sogno!!!!! MAMMA MIA K VERGOGNAAAAAAAAAAAA!!!!!!!!!!!!!

Veronica

04 luglio 16.41

http://veronica-94.spaces.live.com/

Ho iniziato a parlare malissimo della mia professoressa... senza accorgermi che lei era proprio alle mie spalle che ascoltava tutto... Risultato: un 5 in latino quando di solito prendevo 9... che dorettata...

EmA

04 luglio 16.51

http://superema1994.spaces.live.com/

e poi un'altra sempre a scuola....il prof di arte mi ha dato le kiavi per andare a kiudere il laboratorio di arte.. sl ke dentro c'era la mia prof di tecnica e io nn l'avevo visto e l'ho kiusa dentro XD... diceva "APVITE APVITE" con la R moscia...

♥[ρι¢¢ιυℓα]ღ[иσємyиα]♥

04 luglio 17.01

(http://Noemyna-92.spaces.live.com/)

ciaoooooooooooooooooo...cmq una mia figurina...o meglio---Dorettata...stavo messaggiando cn un amica...io parlavo del ragazzo che mi piaceva e lei del ragazzo che piaceva a lei...a un certo punto ho mandato un messaggio con scritto "voglio Stefanooooooo..."...bè...l'ho mandato a lui che vergogna...ahahah...nn so se vale cm cs...ciaooo

Marco

04 luglio 17.36

http://cid-7b07024891676ed9.spaces.live.com/

un giorno al mare uno mi kiede l'orario e io, nn avendo capito cs mi avesse kiesto, in un primo momento gli rispondo di si....qll rimane x un attimo xplesso mi guarda cn una faccia strana e se ne va....poi resomi conto della cazzata ke avevo sparato, in qnt un mio amico sedutomi vicino mi dice ke quella xsona mi aveva kiesto l'orario, scoppio a ridere....bello vero??? sn troppo scemo

ciao a ttt

Arrevutamm rint a MINI

Mon, 07 Jul 2008 22:14:30 GMT

Wajù all'anema r'a scatulella, 'a Mini fuje tammente c'a strada aret f'o cartoccio! M'agg purtat l'amiche mi a fa nu ggir in Costa Azzurra. Avevama partì e nov a matina. Simm partut ch' ern l'una. Vabbuo a maghina fuje ma nui simm stat cchiù musc r'a mullarì.

E primm vinti chilometr amm pariàt commacchè a parlà r'e balice pecché naturalmente amm purtat sol strunzat; po' jenn jenn er'n cchiù e strunzat ca dicevm ca chell che stevn rint e balice. E rerèvm rerèvm rerèvm!

Pecché rint 'a maghina stamm semp tutt quant mbriàc…chisà pecché. Bast ca un è scem e ammischia a scemarìa a tutt quant! Pienz ca pure Susù, chell nu pparl maj e nu 'ngarr mai 'na battut, a comm l'agg pariat ncuoll ha cacciat a capa afor 'o sacch :-).

Wagliù e che ve site perz. Chell sta maghina è comm na medicina miracolos, cca dint e sordomut abbijano a parlà e 'e cecat abbijano a verè, c'o rrevuot che facimm se scetano pure e muort. Viè viè, t facc abberè!

Donsaciccio-DAY

Fri, 04 Jul 2008 12:01:01 GMT

We we e che ci facite stat ancor cca? Ij so pront pe l'appuntament 'e doje fin e ssei ro pomerigg p'o Donsaciccio-Day. M'arraccumann venite tuttu quant nun me facite fa a figura ro sacicc!

dday.events.live.com

S'è squagliat a lengua

Mon, 23 Jun 2008 18:50:16 GMT

Viennarì cer'm appriparate p'ascì, bell e buon ha fatt 'na ncasata r'acqua che c'è benùt a malincunì... mo che m'agg fatt a Mini m' facev mettere appaura a nu poc r'acqua? Amma ascì, pure si 'e pier'zzull so otto e 'a maghina è nu muorz! Eh, teng 'nu scarrafone appriess... mongolò! E pier'zzull e l'amiche mije; a maghina, l'Abbei Road (ve l’agg ritt che stev 'nciarmann 'nu festino!).

Comm ce simm assettat se senteva solo o rummore re' schizz ncopp 'o tettucc, parev 'o cocchiere e bellumunno. Ma vist ca ije e l'amiche mije simm na cosa sola agg penzat a tutt cos: MP3 c'o mmeglj e Nino D'Angelo e na culonna e ciucculata. Manc o tiemp r'arapì a carta argentata ch'è succies o rrvuot. Amm accumminciat a zumbà e cantà "Napoli Napoli" e nun a f'rnevem cchiù finché a nu certu punt s'è scomodato Nino D'Angelo a rint o disc: «a vulite f'rnì!?». A ffinale amm pariàt!

Na cosa ca nce vulev: e siggiulill l'amm fatt na chiavica

Na cosa ca nce vulev proprj: er'm tutt colpevole e nisciun putev abbuscà

A Mini c'o custume

Sat, 14 Jun 2008 16:16:00 GMT

È stato nu uikkend a fin ro' munn! No no, nun ce stev'n guagliun (aumm auuuumm) e nun ann accis nemmen a Dorina :-) ; m'agg accattat a Mini!!! V'arricurdate ca tenev 'e rendite spase 'o sole? Embè aropp c'agg liggiut e cunsigli vuost agg capit c'a Abbey Road Pepper White è chella che fa pe' me.

Pure l'amiche mije iesc'n pazz!
Stev 'o concessionario, nun agg manc salutat che stev già allisciann 'o volante e pelle. Po quann agg vist l’ingresso pe l’MP3 me so ngrippat: agg fatt a tiemp a tiemp a cantà One Love e Bob Marley primm ca chiammavan e guardie :-). Embè, a maghina mo sta appustat abbasc 'o palazz, c'ammàncane solo e balìce. Nun ve l'agg ritt? Sto nciarmann nu festino cu l'amiche mije…Assafà, wa e a chi me nguacchie e siggiulill o facc vulà 'a fora 'o fenestiello!

A puteca è riaperta e mo statt allerta

Tue, 10 Jun 2008 12:19:26 GMT

Ajere agg vist nu film tammente bell c'o finale m'ha fatt spilà 'e ccarrafèlle ncuoll 'a jatta. Che ce vuò fa, è nu mumento ca tutt cos me smove... aumm aumm! O ssacc ije 'o pecché!

• so doi semmane ca nu juorn chiove n'at esc o sol e non sai quann e i o mar

• a jatta nun ave fernut e fa 'a muta, e arrasumiglia a nu pelusc.

E po tenev a smania e ve scassà o cacchio! Eh, 'o blog 'e Doretta arap ufficialmente a tuttu e cumment vuost (e stavota guaje a chi fa 'o ). Abbijàte 'a scrivere mo mo che cca stong!

P.S. Grazie a tuttu quant pe l'email ca m'avite mannat, me stev scuppiann a casella!

Chest o chell'ata là?

Sat, 31 May 2008 19:44:45 GMT

Ma comm s'adda fa a scegliere, so tutt e doje bellell… nunn è ggiust, eh? :-) A Trigger fuje comm a cché, tene e sport strips janch, e farett cromat e 'e chirchje a 17'' (checazz? :-).

Già m' vegh, c'o per' afor 'o fenestiell ncopp Pusill'c, o stereo cu l'MP3 pezzott e Tony Tammaro, o viento che me sconceca o capill, l’addore e mare... ua, e che frischezz!

E po ce sta l’Abbei Rod, che ttene e seggiulill e pell e stoff Crim Uait (ca sol' o nomm m'é magnàss san' san'!), accussì frisch ca se m'aggir'n e ccervella m'e mmett pur' dint 'o salotto. Facess venì l'amiche re mi a fa burdell tuttu quant cu na tazzulella e café, e ppast e tanti schiattate e ris!

Aggia veré p'o culore. Blu, Ross e Nir p'a Trigger; Janco, Argent e Verd p'a Abbei Rod…

Se se, tengh e rendite spas 'o sole!

Na nuvità m'ha fatt stupetià!

Tue, 27 May 2008 20:44:29 GMT

Wagliù, nientmen m'agg pigliat doi colp e fulmene! Tant'è c'a jatta me s'è strusciata ncuollo (pecché è gelosa) :-). Ha capit ca stev guardann coccos interessante assaje… dui mudell bell bell! Me s'è squagliat o sang dint e vene:
une vestut e janco, une blu, une frisc e l’at spurtiv.
Là steven, abbasc' a fenesta, tenevo l'uocchie chine e mane vagante. E capì? Guard ca Abbey Road e Trigger, e modell Mini!

So asciut bell e buon, m'agg vist pigliat re turche...
Wa sorè a fine ro munn, e mo quale me piglj?

Te sì piazzato casa e puteca.

Thu, 22 May 2008 23:13:39 GMT

Wagliù, m'avit sfast'riat.

Mo chiur e comment pecché ve state arapenn nu poc tropp assaje.

Se me vulit ricere coccos ricitammell nfaccia, mannateme l'imeil a dilloadoretta@live.it

agg cagnat, vabbuò?

LicolaLicola

Fri, 16 May 2008 16:00:18 GMT

Wagliù oggi è o cumpleanno e Dorina!

Stammatina me so pop scurdata e a jatta stev tutta 'ntufata. Agg penzat ra purtà a fa o bagno a Licola ma po stev sorema cugina al RiminiWellness accussì levamme 'a frasca (e po sadda movere pecché tene a mangiatora vascia).

Partimm mo mo accussì ce verimm o cuncerto a piazza Cavùr.. jamm bell! Guarda cca,

http://www.riminiwellness.com/wellness_music_show-2003-44.htm

wa ce stann nu sacc e cantant famos assaje! We allora, venite pure vuje?

Stev moscia moscia, ma mo m'è passata l'angoscia!

Thu, 08 May 2008 12:08:25 GMT

A nu certu punto na seggia ha fatt «tac» e tuttu quant hann aizat e pac... era a seggia mi.

So stata all'erta, tiseca tiseca, agg fatt abberè che o fatt nun er' o mi. E scarpetelle fuxia s'erano appizzate mmiez e fili. Agg pruat a me libberà senza fa guaje, ma o fil ruoss ha preso l'iniziativa e s'è staccato, simm rimast o scuro io e tutto o set… stev murenn! A finale o reggista mn'ha mannat.

A verità, stev nu poc nzallanuta quann giravano a scena finale ro film, ma è stata na disgrazia, m'e crerere!

Addò vaje truove guaje. M'è benuto a mmente o dinosauro piccerill e cioccolata dint a borza, pop mentre o reggista faceva ciak m' song aizata po' piglià. O riest o ssapite aumm aumm.

Fermate o munno voglio scennereee!

Ma mo cagna TUTTCOS... promesso! :-)

Chi tene a cas 'o mare...

Tue, 01 Apr 2008 11:33:58 GMT

E sciuri sciuriscono, e a palummella zompa e vola: è primmavera!

Chi è allergico a passat 'o guaio, chi va ncopp a bicicletta pedala e cchiù, chi se magna 'o gelat fa a fila, chi studia 'o parco se stenne ncopp all'evera, chi tene 'o ciardino acconc e frasche, chi tene 'o can o fa fuì, chi esce a sera se sta for n'atu ppoco, chi tene a cas 'o mar se po già abbambecà.

Sto streveza, po' essere a primmavera ch' abbìa a venì. No sto bon, e 'o sol ncap!

Ma vuje a primmavera pigliate a scùffia, 'o suonno, o penzat 'a staggione?

Te piace 'a pastiera?

Fri, 21 Mar 2008 21:45:27 GMT

Bona Pasqua

Bona Pasqua assaje

e tanti ccos bell

a tuttu quant!!!

Sceneggiata o scemarìa

Thu, 13 Mar 2008 19:23:33 GMT

Wajù, o rvuot. So ghiut vicino 'o reggist e c'agg ritt 'n facc tutt cos.

1) L'adda f'rnì e me ra l'ordini e me trattà comme na serva. E uno, e doje, e i fatic pe iss, e mmo bbast adda calà e scell, sta semp nquartato!

2) M'adda ra o tiemp e truà e ccos: i song na perzona precis, 'a jatta pe ghi e press facette 'e figli cecat. E ccos ro juorn aropp e bo o juorn primm?!

3) O fatt re pinguini, ce l'agg ritt ch' a mme me pare na strunzat! Che c'azzeccan c'o film, ma làsse campà 'n grazi' e di!

Aumm aumm... c'aeva fa?

A primmavera ce stann e pinguin?

Tue, 04 Mar 2008 18:14:06 GMT

Wajù ajer se schiattava e cav'r, troppbell! So stat tutt a jurnat ncopp o mezz, m'agg fatt nu panin cu sasicc e friariell o Parco da Rimembranz e me song abbrustuliat sott o sole. Tutt calcolat a perfezione, fin e l'unnic a sera quann m'è arrivata a chiammata d'o reggista. Vò 10 pinguin pe miercurì. 10 pinguin! Ovèr! Ajùto!!! Arò e ppigl? Come facc? Comm e pport a na part a nat? Tenite quacche consiglio a me ra? Ajutat'm!!!

E ch' ffatic 'a partit!

Fri, 22 Feb 2008 21:20:58 GMT

Assafà è viernarì! Stong piezz piezz e teng pur 'o mal 'e schiena Sta semmana cca avevama girà na scena 'e na partita 'e pallone 'ncopp 'a spiagg, e allora agg pigliat 10 scunnizz miez a vija, nu supersantos a volo a volo («e che ce vo?!» dicite vuje...) e pure e pport che pal e a rezz! Menumale che stev'n dint 'o Stadio Collana... 'o problem è stato 'a lle ppurtà ncopp 'o set! L'agg pigliat a una a vota 'ncopp 'e spall. Po' so sagliut dint 'o trerrote... quann vutav a destr o a sinistr pe ppoco nun m'accapputav ije, a porta e 'o trerrote. E maghine aret bussav'n pecché a strad è piccerell po stev pur o pulmàn 'e facc e pe niente 'e perzone rerevano a me uardà. UffàUffà!

Pigliat na Doretta ncopp 'o blog!

Fri, 08 Feb 2008 14:50:56 GMT

Assafà se so sgunfiat e boll nfacc all'attore protagonista accussì amm accummenciat a ffaticà.
Stavota cca m'hanno chiest na piscina ross a forma di ranauòttolo! C' serv pe l'inquadratur acopp. Ma pò pecché proprje a fform 'e ranauòttolo? Foss stat pe mme l'avess fatt a fforma e palummèlla!
Comunque, fatica a parte... Parlamm r'ati ccos! O ssapit ca si vulite me putit invità a ciunciunià int e post vuost? Eh proprje accussì, comm v'agg ritt a vota scors:

Photo Album: Studio e comm

Fri, 11 Jul 2008 16:05:38 GMT

Studio e comm

Uffà e che sasicc

Me so scucciata

E mmo?

Me leggo o cioè

Ae, dimane chi a sent a professorè

Photo Album: Addò agg mis a capa!?

Sun, 08 Jun 2008 07:00:46 GMT

Addò agg mis a capa!?

rint'o stipo

po' essere accà

Sotto o lietto

E' scarpetelle

E mmane

A scalata ro suppitgno

Vorze e vurzelle

'A doccia

Photo Album: O mmii e o ssuje

Mon, 10 Mar 2008 21:33:39 GMT

O mmii e o ssuje

Iss

O ssuje

O mmii

O 'ndizio

Photo Album: A merenn ra campioness

Sat, 22 Dec 2007 16:01:11 GMT

A merenn ra campioness

O llatte ce sta

Vir vir

Aro sta?

Photo Album: Live Earth 7/7/07

Sat, 11 Aug 2007 21:59:43 GMT

Live Earth 7/7/07

heyyou_video_501

liveearth_israel_001

Photo Album: A spesa e primmavera

Sat, 11 Aug 2007 21:50:04 GMT

A spesa e primmavera

A chiammata ro pellicano

A femmena hawaiana

Vudù, pienzace tu

Photo Album: Annascunnino co cazettino

Sat, 11 Aug 2007 21:42:38 GMT

Annascunnino co cazettino

Un roj'e ttre, cca nun ce sta proprie

Quatt cinq e ssei

Comm te vuless!

Photo Album: Vaness e Danil

Sat, 11 Aug 2007 21:29:21 GMT

Vaness e Danil

Vanessssssssss

Daniiiiiiiiiiiiiiiiiiiil

Photo Album: E cumpagn e Marì

Sat, 11 Aug 2007 21:27:43 GMT

E cumpagn e Marì

Eren lloro all'urdemo

'A meglio e tuttu quant, karima

Massimìììì!

Photo Album: Pal e sparo

Sat, 11 Aug 2007 21:20:38 GMT

Pal e sparo

Photo Album: Oroscopell

Sat, 11 Aug 2007 21:18:55 GMT

Oroscopell

E tu e che segn si?

Photo Album: Carnaval

Sat, 11 Aug 2007 21:16:45 GMT

Carnaval

Doretta 'a pinguett

Comm è tomm 'o pellicano

Photo Album: San Balentin

Sat, 11 Aug 2007 21:14:42 GMT

San Balentin

Vas e fravole

Photo Album: E ccose ca me vann

Sat, 11 Aug 2007 21:13:03 GMT

E ccose ca me vann

Pe l'occasion special

'A mi preferit

Vuless sta cca e cas

Chest song pa palestr

ahahahaha

Disegn

O nanett ro ciardin

Wa e che zepp

Blog list: Blog Auards

Sat, 12 Jul 2008 17:53:21 GMT

Blog Auards

Doriano - Si foss omm…
O cchiù “masculo”
Doriana - O mi alter ego 'mbriaco
O blog cchiù peluso ca ce sta
Doretta82 - 'A mi sora-cugina
O cchiù Aumm Aumm (capisc’ a mme)

Custom List: Bevanne pe m'arricrià

Sun, 01 Jun 2008 13:54:09 GMT

Bevanne pe m'arricrià

Daquiri frozen a fravola
Bijoux
Bernadine
Negroni

Custom List: Ricette ch t'allicc e recchie

Thu, 08 May 2008 13:40:28 GMT

Ricette ch t'allicc e recchie

Penne scumma e latte e violette
te fanno scescere le *****
Riso e fravule
Chell e bosco meglio ancora
Favett 'e sciure e purtuallo
Nu piatt frisc frisc e primmavera
Birramisù
O' Tiramisù ca birra, pure comm aperitivo

Custom List: Priemm cca!

Thu, 08 May 2008 02:08:42 GMT

Priemm cca!

www.doretta82.it
Chist è o' sit mi personale!
doretta82@live.it
rancell e cuntatt tuoje
doretta82napoletana.spaces.live.com
chist è 'o spazje mi

Book List: Libbri

Sat, 11 Aug 2007 15:11:42 GMT

Libbri

Sophie Kinsella: I love shopping

Custom List: Filme

Sat, 11 Aug 2007 15:10:16 GMT

Filme

Kill Bill
Me piac a tuta giall e Uma
Colazione da Tiffany
Comm' è romantic!
Nemo
Me piac o' pesce :)